الصفحة الرئيسية › اقتصاد

اقتصاد وفاة بسمة بوريو صاحبة دار سيدي عبد الله بالكاف

غيّب الموت مساء اليوم الجمعة 02 فيفري 2018 المناضلة النسوية بولاية الكاف بسمة بريو صاحبة مشروع "دار سيدي عبد الله"، وقد نعاها بهذه المناسبة الأليمة عدد كبير من أبناء الكاف من بينهم المحامي رمزي الجبابلي حيث نشر تدوينة قال فيها ما يلي:

"الكاف والشمال الغربي، يفقدوا اليوم شخصية ساهمت بشكل كبير في التعريف بالجهة وخاصة بالسياحة في جهة الكاف وكانت من أحرص و أول الناس إلي آمنوا بتجربة مهرجان سيكاجاز... وجميع التظاهرات الثقافية...خدمتها وتفانيها في العمل على رأس الاقامة الريفية دار سيدي عبد الله بالكاف، ساهموا بشكل كبير في نجاح المقاربة السياحية بالكاف ... نورت الكاف...وشرفتنا... قلب كبير رحل علينا...الله يرحمك صديقتي بسمة".

من جهته نشر الاستاذ طارق بن صالح على صفحته الخاصة بالفايسبوك ما يلي:

"الله أكبر... الموت تخطف منا صديقتنا و أختنا بسمة بوريو.... بسمة المناضلة من أجل إسم الكاف، المجاهدة بصمت من أجل صورة مشرفة للكاف، اللي يقول بسمة بوريو يقول دار سيدي عبد الله، دار سيدي عبد الله الليلة قمرتها غايبة و ليلها بارد و طويل.... دار سيدي عبد الله ليلها من غير نجوم... غدوة شمسها مش باش تطلع....
الله يرحمها بسمة... كتبت تاريخ بعرقها و دموعها... نتفكر مرة استدعتني لدار سيدي عبد الله باش نعملو برنامج اشهار و تعريف بالبلاصة، بعد ما عملت خدمة كبيرة في الپيسين و صرفت من دم قلبها من غير حد ما يعاونها...حكتلي على التضحيات الكل اللي عملتها، حلمة مشروعة و حلوة حلمتها بسمة و نجحت فيها، نهارها بكت بحرقة، قالت خليت تونس و خيّرت نرجع للكاف نستثمر في طبة أرض خلاهالي بابا و لميت بالفرنك بالفرنك و ضغطت على روحي و صبرت.. كنت انجم نهز فلوسي نعمل بيهم فواياجات و الا نعيش بحذا اولادي في فرنسا... أما حبيت نرجع للكاف و نحب نعمل حاجة تنوّر وجه بلادي.. نحب نخلى حاجة ليكم نهار اخر تفخروا بيها قدام البراينية و قدام ضيفانكم....
الله يرحمها بسمة... القلب يعتصر ألما بالحق..."

 بدورها نشرت الصفحة الرسمية لمشروع دار سيدي عبد الله نعيا للفقيدة وصّفت فيه بالملاك الذي رحل باكرا وكشفت الصفحة ان الجنازة ستقام يوم السبت علي الساعة 14:45 من منزلها دار سيدي عبدالله الي مسجد القادرية ثم الشرفيين.